Эрхэм хүндэт харилцагчид, хамтрагчид, ажилтнууд аа!

Сайн байцгаана уу? Та бүхний энэ өдрийн амгаланг айлтган мэндчилж, “Идэрхайрхан” ХХК-ийн нэрийн өмнөөс чин сэтгэлийн талархал илэрхийлье.

Манай компани 2005 онд байгуулагдсан цагаасаа хойш Монгол Улсын эдийн засгийн хөгжлийг дэмжих, барилгын материалын үйлдвэрлэл, худалдааны салбарт тогтвортой хувь нэмэр оруулах эрхэм зорилготойгоор ажиллаж ирсэн. Өнөөдөр бид Дархан-Уул аймгийн Хонгор сумын нутагт байрлах Цохиот толгой 2-р ордод шохойн чулуу олборлож, чулуу бутлан ангилах үйлдвэрлэлээ амжилттай хэрэгжүүлж байна.

“Идэрхайрхан” ХХК нь чанарыг эрхэмлэн, байгаль орчинд ээлтэй, хариуцлагатай үйл ажиллагааг үйл ажиллагааныхаа гол үндэс болгон ажилладаг. Бидний үйл ажиллагааны амжилт нь зөвхөн ажилтнуудын маань хичээл зүтгэлээс гадна харилцагч та бүхний итгэл, хамтын ажиллагааны үр дүн юм.

Цаашид бид үйлдвэрлэлийн технологио шинэчлэх, хүний нөөцийн чадавхыг хөгжүүлэх, орон нутгийн хөгжилд хувь нэмрээ оруулахад анхаарч, хариуцлагатай уул уурхай, үйлдвэрлэлийн салбарт тэргүүлэх байр суурь эзлэх зорилготой ажиллах болно.